古仔被麥浚龍嘅細心所打動而從返樂壇，與謝安琪合唱《（一個男人）一個女人和浴室》。

曾以歌手身份出碟嘅古天樂，於2000年年加入樂壇後，只係推出過四張唱片就從此「退隱」樂壇，儘管之前有傳古仔將會舉行演唱會，但佢本人就話打從心底咁抗拒唱歌，正當大家都以為無機會再聽古仔大開金口之際，原來古天樂已悄悄回歸了歌壇！

雖然古仔話好有壓力，但認為香港樂壇係時候需要有新一頁！

於新歌《（一個男人）一個女人和浴室》,古仔同謝安琪（Kay）合唱，能夠邀請到古仔相隔15年再推出新歌，過程一啲都唔容易，身為幕後功臣兼歌曲監製嘅麥浚龍(Juno)真係應記一功 。古仔早前同Kay拍攝宣傳照時，就提到與Juno拍攝電影《風林火山》後，十分欣賞對方。「電影上嘅理念同我好似，最難得係肯花時間去做電影，呢個係好難。佢今次搵我唱歌，我都話唔識，但佢提到呢首歌係用故事概念去表達，我可以以角色身為去唱，佢可以有甩漏，有時我哋踏出第一步先係最重要。」

麥浚龍（Juno）與謝安琪噚晚開騷時先預告將有驚喜發生。（資料圖片）

雖說係以角色身份去唱，但古仔表示非常有壓力，「我揸起支咪已有壓力，但你問我……香港樂壇我自己覺得要有新嘅一頁。無論新一輩年輕歌手，或者殿堂級歌手，需要新嘅衝擊。」古仔表示拍攝電影時，常常希望找到有新元素，他看過Juno以董折、浦銘心兩個角色，貫穿《人妻的偽術》、《勇悍·17》及《一個女人和浴室》歌曲及MV，概念如電影般，既欣賞又支持。「歌應該可以不同的方法呈現予香港真心喜歡聽歌的觀眾。」訪問中，古仔再三表示自己做MV男主角並不是大問題，「但真係唔好要我唱Live」其實你肯回壇歸歌壇就已經好好啦!!!