【女人四十】阿旦現身TVB 體驗男女大不同 車房初體驗!

0
2952

田蕊妮主持的節目《女人四十》播出以來,受到不少女性觀眾熱棒, 製造咗唔少女性話題。最新一集,最新一集仲請嚟出名身材好嘅鄧洢玲(阿旦)做嘉賓。阿旦表示:「好開心參與呢個節目,拍攝前出嚟開會,傾好多唔同年紀女仔嘅睇法,呢方面好認同阿田,女人唔應該畀年齡框住自己,女人能力好高,唔一定靠男人。」

唔同年紀有唔同睇法

之後阿旦和化妝導師Gaby仲去咗一間內衣店揀尋找最適合自己的Bra。,阿旦喺過程中領悟到唔少道理:「唔知點解好多人都覺得有身材嘅女仔一定冇內涵,畀你揀,情願做一個有身材定有才能嘅女仔?咁我會覺得Why not both?(點解唔可以兩樣都有?)」阿旦認為靚嘅定義喺唔同年紀有唔同睇法,細個覺得有身材會畀人笑,依家就覺得靚係源於內在,女人嘅價值亦唔一定同身材掛鉤。

阿旦現身TVB,網友表示驚訝!(電視截圖)

(電視截圖)

      

(電視截圖)

最大得着係學識換胎

阿旦喺節目中更加嘗試到車房工作,佢表示:「去完內衣店後,去埋車房,體驗男女大不同,因為車房係比較男人嘅工作,我去到嘗試換油換車胎,發覺幾有趣,最大得着係學識換胎。」她笑指有朋友說下次爆胎可以找她:「雖然我識,但唔好搵我,都幾攰,男女分別喺力氣上,加上我又細粒,不過車房師傅都話我有啲天分。」

阿旦仲話好欣賞阿田,經過今次合作,發現對方性格樂觀開朗,唱得演得又做到主持,係值得佢學習嘅對象。問到與田蕊妮是否相熟,阿旦就稱:「又唔算超級熟,互相認識。不過拍呢個節目之前我哋都有出嚟開過會,傾咗好多關於女性角度嘅問題。拍得好自在,而且有得同唔同嘅平台合作好開心。」

 

如果有得揀...寧願做有身材定有智慧嘅女人? 阿旦答案係: Y not both? (IG圖片)

如果有得揀…寧願做有身材定有智慧嘅女人? 阿旦答案係: Y not both? (IG圖片)

阿旦曾是施念慈旗下的模特兒,2011年參加參加now TV舉行的「CEO選拔賽」得到亞軍,之後正式加入now TV做藝員,主要幫Now觀星台做主持。2016年開始,阿旦兼埋ViuTV嘅工作,並主持《的士Go》和《晚吹- 啪啪聲,太好聽》等節目,ViuTV主持的形象在觀眾心中根深柢固。阿旦透露自己已回復自由身,她稱:「其實我自由身咗成年,上年3月已經無約喺身,但因為仲有啲節目未完,就轉用部頭約方式合作,但都係去到7、8月左右。」

阿旦就坦言不想再框死自己:「其實近年我都嘗試做唔同嘅工作,好似開按摩店做生意,又出錢請crew拍旅遊片擺上YouTube,嚟緊都會拍一啲同足球有關的節目,亦都會同內地網絡平台傾合作。問到會唔會唔捨得娘家

阿旦就稱:「喺娘家有自己節目,仲有機會做唔同合作係好事,但我覺得自己要進步,依家都度緊搞Talk Show同出旅遊書」。阿旦透露以前就係花太多時間拍拖,人生目標淨係想結婚生仔,所以依家會花多啲時間喺工作上。

正式回復自由身。(IG圖片)

正式回復自由身。(IG圖片)

阿旦仍是不少宅男心中的女神。

阿旦仍是不少宅男心中的女神。

阿旦不時會向粉絲派福利。(IG圖片)

 

阿旦不時會向粉絲派福利。(IG圖片)

LEAVE A REPLY

Please enter your comment!
Please enter your name here