無綫上位花旦張曦雯 (Kelly) 出名樣靚身材正，是不少男士心目中的女神。Kelly不只出得廳堂，仲要入得廚房，在剛播映完的第三季《美女廚房》中，就以大熱的姿態兼近乎滿分的分數贏得了終極美女廚神的獎項，她所烹調的菜色，真是令一眾嘉賓評判食到停唔到口。節目中的三位主持蕭正楠、林盛斌以及張振朗均異口同聲大讚Kelly是完美的化身，集所有優點於一身，絕對是世間少有。
Kelly的廚藝有幾出色不用多說，在外國長大的她不但擅長煮西餐，就連煮中菜都一樣好耍家。除了是烹飪高手，Kelly仲係打機高手，她不時會於網上開Live打機給紛絲同網民睇，大顯身手。作為一個鍾意打機的男仔，相信如果有一個好似Kelly的女朋友，不會阻止男友打機之餘，仲可以一齊打，一定會覺得好幸福！
另外，Kelly的英文亦非常之流利，聽她以一把略帶磁性的靚聲講英文可以說是一種享受，跟她出外去旅行更是不用擔心言語不通的問題。充滿愛心也是Kelly的優點之一，她熱愛小動物同小朋友，仲講過話自己畢生最大的願望是成為一個好正的媽咪，可想而知她是多麼的有愛心同有責任感。要數完美女神以及模範女友，真係非Kelly莫屬。
一齊睇下呢位模範女朋友嘅索爆靚相啦！
